ადამიანური ცნობიერება

ხელოვნება ადამიანის ქმედების თუ შემოქმედების, თვითგამოხატვისა თუ თვითშემეცნების საშუალებაა.

აღნიშნული კურსის ფარგლებში - თეორიული და პრაქტიკული, სავარჯიშოების დახმარებით, შევეცდებით თვალი გადავავლოთ ვიზუალური ხელოვნების ცნობილ ნიმუშებს (ნეოლითის ხანიდან, ულტრა - თანამედროვე ხელოვნების ფორმების ჩათვლით) და აღმოვაჩინოთ ადამიანის სურათხატის მეტამორფოზა, შევეცდებით გავიგოთ თუ როგორ ირეკლავს ხელოვნება ამა თუ იმ ეპოქაში ევოლუციის აღმავალ თუ დაღმავალ დინამიკას და რა პრინციპით გვაჩვენებს ზოგადად ადამიანური ცნობიერებისა და ცნობიერებიდან სტიმულირებული ყოფიერების გენეზისს!

ლექტორი გოგა ჯაფარიძე

მხატვარი

ადამიანი დღეს

იმისათვის რომ ვუპასუხოთ კითხვას ვინ ვარ მე? საჭიროა ვიცოდეთ თუ ვინ არის ადამიანი, ან ზოგადად რას ფიქრობს ადამიანი საკუთარ თავზე.

არსებული თემატიკის გარშემო, მონაწილეებთან ერთად მათთვის აქტუალური, მნიშვნელოვანი საკითხების გარკვევა, მათგან ყველაზე საჭირბოროტო თემატიკის არჩევა და განხილვა.

ლექტორი მარინა ბულია

სოციალური თერაპევტი, ფსიქოლოგი

აზროვნება და ფილოსოფია

მონაწილეები მიმოიხილავენ ძირითად თორმეტ ფილოსოფიურ მსოფლმხედველობას და იმსჯელებენ თავისუფლების ფილოსოფიაზე - რა როლს ასრულებს თავისუფალი ნება ადამიანის სწორ განვითარებაში.

თეორიული განხილვის პარალელურად, საგანი დატვირთულილი იქნება შემოქმედებითი სავარჯიშოებით და თამაშებით, რაც დაეხმარება მონაწილეებს შინაარსის უფრო ცოცხლად დანახვაში.

ლექტორი ვლადიმერ ხვიტია

ვალდორფ-პედაგოგი, ჰაილ-პედაგოგი

ჩემი ბიოგრაფია

ადამიანის ბიოგრაფია მისი მთავარი შემოქმედებაა. ეს არის გზა, რომელიც ადამიანმა ცნობიერად უნდა გაიაროს. ამ საგნის ფარგლებში მონაწილეები მიმოიხილავენ ადამიანის ბიოგრაფიის საკვანძო მომენტებს და განსაზღვრავენ მათ მიზეზ-შედეგობრიობას. საკუთარ ბიოგრაფიაზე მუშაობა და დაკვირვება, ბიოგრაფიული ტენდენციების განხილვა და ბიოგრაფიის ფაზების კანონზომიერებები.

ლექტორი ლალი ასამბიანი

ანთროპოსოფი ექიმი, ბიოგრაფიული კონსულტანტი

სოციალური სამყარო ჩემ გარშემო

სოციალური ფენომენებისა და პრინციპების განხილვა. რა სოციალური, პოლიტიკური და იდეოლოგიური საკითხები და ტენდენციებია დღეს წამყვანი და როგორ შეუძლია ინდივიდს მოქმედება თანამედროვე სამყაროში. ასევე მონაწილეები გაეცნობიან სოციალური სამწევროვნების პრინციპს, რომელიც ინოვაციურ ხედვებს გვთავაზობს თანამედროვე სამყაროს მოწყობასთან დაკავშირებით.

ლექტორი რატი ამაღლობელი

პოეტი

მე და შენ, ჩვენს ეპოქაში

ადამიანური ურთიერთობები და მათი ჯანსაღი მიმართება სოციალურ ჭრილში. არსებულ საგანში აქცენტი კეთდება ადამიანის იმ შინაგან თვისებებზე და მახასიათებლებზე, რომლებიც არაცნობიერად მოქმედებენ ჩვენს ყოველდღიურ გადაწყვეტილებებზე. თიხაზე და ფერში მუშაობით, მხატვრული თერაპიით და სხვადასხვა სოციალური სავარჯიშოებით, განხილული იქნება ადამიანური ოთხი ძირითადი ტემპერამენტი.

ლექტორი შოკო მოსაშვილი

სოციალური და არტ-თერაპევტი